Oд номинираниот за Оскар и добитник на Еми и БАФТА награди Данкан Кенворти – продуцент на филмовите „Четири свадби и еден погреб“ (Four Weddings and a Funeral), „Нотинг Хил“ (Notting Hill), „Вистинска љубов“ (Love Actually) и „Законот за заштита на децата“ (The Children Act) – а во соработка со Toledo Productions од Лондон, Обединето Кралство, најавуваме филмска проекција на „Пас“.

Здружението за културен и медиумски активизам КВИР СКВЕР од Скопје, во рамките на европската акција #ФудбалскиЛуѓе на Мрежата ФАРЕ која ги обединува навивачите, клубовите, етничките малцинства и маргинализираните заедници кои се мета на дискриминација ширум континентот во заеднички напор дискриминацијата да стане дел од минатото, организира премиерна проекција на британскиот филм „Пас“ во Македонија. Настанот е отворен за сите, а заинтересираните претходно треба да направат резервација на билети.

За филмот

Пас“ (2016) е филм во кој настапуваат Расел Тови и Аринзе Кени, а во режија на Бен А. Вилијамс, базиран на драмскиот текст од Џон Донели. Филмот се занимава со прашањето на хомосексуална врска меѓу двајца англиски фудбалери и како се одвиваат нивните животи во раздобје од една деценија. Филмот беше номиниран на Наградите на Британската академија за филмски и телевизиски уметности во 2017 година, во категоријата извонредно деби на британски сценарист, режисер или продуцент, и тоа Џон Донели (за сценарио) и Бен Вилијамс (за режија).

Синопсис

Двајца млади, стрејт фудбалери од Премиер лигата делат хотелска соба ноќта пред клучен натпревар. Од никаде, едниот го бакнува другиот. Емоционалното влијание на овој „пас“ се одигрува во текот на следните десет години од нивните животи – деценија исполнета со успеси и падови, тајни и лаги, во спортскиот свет каде имиџот е сѐ.

Како до билети?

Бесплатни билети можете да резервирате преку нашата е-пошта со наведување на име и презиме, телефон и број на билети. Капацитетот на киносалата бр. 3 е 80 седишта. Со оглед на тоа дека станува збор за еднократна филмска проекција, ве молиме резервирајте билети навреме. Билетите се достапни на принципот „прв дојден, прв услужен“. Заради фер распределба на билетите и шанса да се погледне филмот, набавете само онолку билети колку што реално ви се потребни.

спонзори и соработници

Огромна благодарност до сите наши партнери за нивниот придонес.