Наша препорака за сервиси за психосоцијална поддршка за ЛГБТ+ луѓе.
Скопскиот Квир Центар е прво и единствено специјализирано советувалиште во нашата земја кое на ЛГБТИ+ луѓето им нуди доверливи, квалитетни и бесплатни услуги: индивидуална, групна и семејна психотерапија, услуги од социјален работник, информирање и упатување, придружување до институции, обучување на стручни работници за менталното здравје кај ЛГБТИ+ луѓе. Пристапот до овие услуги се остварува со јавување на телефонскиот број 075 314 123 во работното време од понеделник до петок, од 10 до 17 часот. Повеќе инфо »
На националната ЛГБТИ+ линија можат да се јават ЛГБТИ+ лица од сите возрасти, нивните семејства, пријатели, но и стручни тимови од училиштата и центрите кои имаат контакт со ЛГБТИ+ лица, или млади кои се чувствуваат збунето во врска со нивната сексуална ориентација или родов идентитет. ЛГБТИ+ лицата од целата територија на државата, можат анонимно, без споделување на нивниот идентитет, да добијат поддршка, помош или советување. Советувачите се стручни лица (социјални работници, психолози, психотерапевти), со поминат тренинг за работа со ЛГБТИ+ лица и телефонско советување, кои обезбедуваат безбедна средина за лицата кои се јавуваат. Сервисот е достапен на телефонскиот број 075 24 11 24, и тоа понеделник, среда и петок од 16 до 20 часот и вторник и четврток од 10 до 14 часот. Повеќе инфо »
Психолошко советување, психотерапија, психосоцијална поддршка, упатување до други сервиси на организацијата или здравствена институција, неформален разговор (разговор по потреба). Советувањето и психотерапијата се одвиваат во индивидуални сесии, како и партнерско и семејно советување, во зависност од потребите на клиентот. Услугите ги спроведува лиценциран психолог и гешталт психотерапевт со долгогодишно искуство. Услугата психолог е доверлива и бесплатна, а достапна е во вторник, четврток и петок од 17 до 21 часот. Повеќе информации за сервисот психолог на нивниот веб-сајт.
