Програма за волонтирање
Вашето време е драгоцено. А исто така и вашите вештини.
Со станувањето волонтер во КВИР СКВЕР вие инвестирате во напорите на граѓанскиот сектор да се стави крај на кршењето на човековите права на ЛГБТ+ сограѓаните, а воедно се стекнувате со искуство во работењето на невладина организација. Тоа е одлична шанса за личен раст и за чинење добро.
Како да се пријавам?
Постапката за прием на волонтер започнува со изразување желба за волонтирање по писмен пат и доставување кратка биографија на нашата е-пошта. Исто така, можете да нѐ поддржите и со парична донација на трансакциска сметка.
Волонтер може да биде домашно и странско физичко лице, согласно законските услови.
Под волонтерство се подразбира давање на услуги, знаења и вештини или вршење на други активности во корист на здружението, на доброволна основа, без надомест, со цел да се придонесе во остварувањето на зацртаните цели и задачи согласно статутот на здружението.
На пример, можете да помогнете во преводи на статии и документи (најчесто од англиски на македонски јазик), коректура на текстови, графички дизајн на публикации, продукција на видеа за онлајн кампањи… Позајмете ги вашите вештини во која било област од нашата работа. Секоја контрибуција ни значи. Контактирајте нѐ.
Е-ИНФОРМАТОР
Доколку сакате да бидете во тек со новините и активностите на КВИР СКВЕР, регистрирајте се на нашата мејлинг листа.
Со регистрацијата на мејлинг листата изречно потврдувате дека ја прифаќате Политиката за приватност на веб-сајтот и се согласувате да добивате повремени е-пораки од КВИР СКВЕР Скопје на вашата е-пошта. Забелешка: На вашата е-пошта ќе стигне порака од нас со линк на кој треба да кликнете за да ја комплетирате регистрацијата.